Бүгін Түпқараған гуманитарлық


Бүгін Түпқараған гуманитарлық- кәсіптік колледжі оқытушылары мен студенттері аудан орталығы Форт-Шевченко қаласында қуғын-сүргін құрбандарына арналған ескерткіш алаңына жиналған көпшілікпен бірге саяси қуғын-сүргін және ашаршылық құрбандарын еске алып, жазықсыз жапа шеккен жандардың рухтарына тағзым етті. Қазақ халқының жарқын болашағы үшін Алаш қайраткерлерінің рухтарына арнап аудандық орталық мешітінің бас имамы Даурен Өрісбаев құран бағыштады
1997 жылы ҚР Президентінің Жарлығымен 31 мамыр - саяси қуғын-сүргін құрбандарын еске алу күні болып белгіленді.
- Ел тарихында мерейі тасыған дария дәуірлермен қатар, «тар жол тайғақ кешкен» тақсыретті кезеңдері де аз емес. Қазақтың осы бір қасиетті жерінде көз жұмған озбыр саясат құрбандарының барлығы – халқымыздың біртуар, маңдай алды, озық ойлы азаматтары еді. Халқы үшін жанын қиған, ардақты арыстарымызды әрдайым еске алу – қасиетті борышымыз. Біздің ендігі мақсатымыз – осы тарихи жылдар оқиғасын, оның жазықсыз құрбаны болған азаматтардың есімдерін жаңғырту, оларды мәңгі есте сақтау. Саяси қуғын – сүргін құрбандарын еске алу арқылы біз тарихты өскелең ұрпаққа дәріптейміз. Ұлтқа қызмет етіп, басын бәйгеге тіккен боздақтарды қастерлеп, олардың жүрген жолын болашаққа аманат етіп жеткізу – басты парызымыз. Тарихи жадымызда жатталған сол замандағы қиын кезеңдердің табы біздің бірлігімізді одан әрі бекемдеп, халықтың жадында мәңгілікке сақталатын болады! Нәубет құрбандарының рухы алдында бас иіп, тағзым етеміз. Тарихтан тәлім алып, жаңа заманға нық қадам басқан тәуелсіз еліміздің ертеңі жарқын, бірлігі бекем болсын, - деді аудан әкімінің орынбасары.  

Жарияланған күні: 1 маусым 2023


Түпқараған гуманитарлық-кәсіптік колледжінде 1қыркүйек — Білім күніне арналған салтанатты жиын өткізілді


Қазақстан Республикасының әнұранымен ашылған жиында 1курс студенттеріне басшының оқу ісі жөніндегі орынбасары А.Д.Жоламанова, басшының кәсіптік бағдар жөніндегі орынбасары Г.М.Маңғыбаева, басшының тәрбие ісі жөніндегі орынбасары А.А.Танатарова және ата – аналар құттықтау сөз сөйлеп, колледж табалдырығын аттаған студенттерге сәттілік тіледі.  Сонымен қатар өткен оқу жылында үздік нәтиже көрсеткен ұстаздарымызға атап айтсақ басшының тәрбие ісі жөніндегі орынбасары А.А.Танатарова  Маңғыстау облысы білім басқармасының  Білім мен тәрбие берудегі қосқан еңбегі үшін «Алғысы»  , ағылшын тілі пәнінің оқытушысы Ж.Н.Иманғалиева Маңғыстау облысы білім басқармасының  Білім мен тәрбие берудегі қосқан еңбегі үшін «Құрмет грамотасы» табысталды.  Барлық топтарда « Колледж  - сыйластық пен шынайы достықтың мекені» тақырыбында  топ сағаттары өткізілді. 

Ары қарай оқу

Колледж жаңалықтары